МУС Беларусі: за суткі паступіла каля 450 паведамленняў аб спробах махлярства

У Беларусі актывізаваліся тэлефонныя аферысты. У МУС паведамілі: толькі за суткі ў міліцыю паступіла каля 450 паведамленняў аб спробах махлярства.

Пры гэтым у большасці выпадкаў злачынства атрымалася прадухіліць дзякуючы пільнасці грамадзян і аператыўнай рабоце супрацоўнікаў органаў унутраных спраў.

Спецыялісты заблакіравалі 18 фішынгавых сайтаў: гэта падробленыя сайты банкаў, сэрвісы і гандлёвыя пляцоўкі, якія знешне не адрозніваюцца ад сапраўдных. Таксама перакрыта магчымасць правядзення плацяжоў на 53 замежныя рэквізіты, праз якія зламыснікі выводзілі грошы. Аператыўнікі затрымалі траіх кур'ераў ашуканцаў. У іх канфіскавалі каля 120 тыс. рублёў.