На вул. Куйбышава ў Мінску адбылося сутыкненне аўтобуса з тралейбусам

У Мінску на вуліцы Куйбышава адбылося сутыкненне аўтобуса і тралейбуса. Пра гэта паведаміла БЕЛТА са спасылкай на УДАІ ГУУС Мінгарвыканкама.

Паводле папярэдняй інфармацыі, сёння, 25 сакавіка,  40-гадовы вадзіцель аўтобуса МАЗ у  14:50 каля дома № 36 па вул. Куйбышава пры перастраенні не ўпэўніўся ў бяспецы манеўру, у выніку чаго сутыкнуўся з тралейбусам, які рухаўся па суседняй паласе.

У ДТЗ ніхто не пацярпеў. Транспартныя сродкі атрымалі механічныя пашкоджанні.