Пад Мінскам перакулілася маршрутка, пацярпелі сем пасажыраў

Пад Мінскам перакулілася маршрутка, пацярпелі 7 пасажыраў, у тым ліку дзіця, паведамляе БЕЛТА са спасылкай на МУС.

ДТЗ адбылося 19 студзеня каля 10:00 у Мінскім раёне на 3-м км аўтадарогі Н24956 "Пад'езд да г. п. Мачулішчы ад аўтамабільнай дарогі Р23 Мінск - Мікашэвічы".

Паводле папярэдняй інфармацыі, 34-гадовы вадзіцель маршрутнага таксі Mercedes не справіўся з кіраваннем, вылецеў у кювет і перакуліўся. Сем пасажыраў, у тым ліку 11-гадовае дзіця, дастаўлены ў бальніцу.

На месцы здарэння працуюць супрацоўнікі Дзяржаўтаінспекцыі.