Сезон крадзяжоў афіцыйна адкрыты. Чацвёра мінчан засталіся без веласіпедаў

У Першамайскае і Маскоўскае РУУС Мінска звярнуліся чацвёра мінчан, у якіх выкралі двухколавыя сродкі.

Адзін з заяўнікоў распавёў, што пакінуў свой транспарт каля дрэва. Калі вярнуўся, то веласіпеда ўжо не было. Другі мінчанін паведаміў, што раніцай на прышпіленым веласіпедзе не знайшоў колаў і некаторых дэталяў.

Па падазрэнні ў злачынстве затрымалі 47-гадовага непрацуючага мінчаніна. Дома ў яго міліцыянеры знайшлі выкрадзенае, якое зламыснік не паспеў прадаць.