Стала дрэнна за рулём. Вадзіцель у Мінскім раёне ўрэзаўся ў дрэва і загінуў

У Мінскім раёне вадзіцелю стала дрэнна за рулём. Мужчына ўрэзаўся ў дрэва і загінуў, паведамляе БЕЛТА са спасылкай на УУС Мінаблвыканкама.

Аварыя ў аграгарадку Сеніца здарылася 4 мая каля 7:30. Паводле папярэдняй інфармацыі, 60-гадовы вадзіцель адчуў сябе дрэнна. Мужчына не справіўся з кіраваннем, выехаў на абочыну і ўрэзаўся ў дрэва. Ад атрыманых траўм вадзіцель памёр на месцы здарэння. 54-гадовая жанчына-пасажыр атрымала траўмы, яе шпіталізавалі.

"Вядома, што абодва не былі прышпілены рамянямі бяспекі", - удакладнілі ва УУС.

Па факце аварыі праводзіцца праверка.