У Мінску затрыманы 15 лідараў і ўдзельнікаў акультнай секты

У Мінску затрымалі кіраўнікоў і актыўных удзельнікаў секты, якая пусціла карані ва ўсіх абласцях Беларусі. Паводле звестак праваахоўнікаў, яшчэ ў 90-х гадах за мяжой з'явілася вучэнне "Сінтэз Фа". З часам знайшліся яго прыхільнікі і ў Беларусі. На канец 2024 года ў краіне дзейнічала пяць ячэек. Адэпты акультнага вучэння праводзілі платныя семінары і практыкі, распрацоўвалі курсы для "прасвятлення" вучняў.

"А эмацыйна слабым людзям абяцалі дапамогу, пры гэтым абавязвалі іх на пастаяннай аснове перадаваць "дабрадзеям" значныя сумы грошай. Акрамя маніпуляцыі дарослымі, лідары секты праводзілі так званыя заняткі для непаўналетніх. Пры аглядзе месцаў пражывання і памяшканняў галаўнога офіса арганізацыі ў Мінску канфіскавана звыш 100 тыс. рублёў, атрыманых ад ахвяр, а таксама культавая і экстрэмісцкая літаратура", - расказаў прадстаўнік ГУБАЗіК МУС Беларусі Уладзімір Гарагляд.

Затрыманы 15 лідараў і актывістаў секты. Узбуджана крымінальная справа.