У Полацкім раёне сутыкнуліся адразу чатыры машыны

Смяротнае ДТЗ адбылося раніцай 2 студзеня ў Полацкім раёне. У выніку сутыкнення чатырох машын загінула 46-гадовая вадзіцель.

На пад'ездзе да Наваполацка аўтамабіль Ford выехаў на сустрэчную паласу і сутыкнуўся з Geely Atlas. Пасля гэтага Ford адкінула ў аўто Toyota і Volvo, што праязджалі паблізу.

Смяротныя траўмы атрымала вадзіцель Ford, якая і справакавала ДТЗ.