Абноўленая школа мастацтваў адкрылася ў Салігорску

Новы мультыплейс у Салігорску стварылі для раскрыцця талентаў будучых дызайнераў, мастакоў, скульптараў і ілюстратараў. Абноўленая школа мастацтваў аб'яднала некалькі арт-лакацый.

Прасторы для заняткаў жывапісам, керамікай і друкаванай графікай, тут жа ёсць і швейная майстэрня для будучых мадэльераў. Адметнасць творчай пляцоўкі - прастора для графічнага дызайну.

У будынку размясціліся канферэнц-зала, мастацкая галерэя, сувенірная крама. У новыя апартаменты пераехала і мясцовая бібліятэка. Цяпер гэта не толькі кнігасховішча, але і арт-лакацыя для заняткаў дзіцячай творчасцю.