Падрывы на чыгунцы ў Бранскай і Курскай абласцях кваліфікаваны як тэракт

Інфармацыі аб загінуўшых або пацярпелых грамадзянах Беларусі пры здарэнні на чыгунцы ў Бранскай вобласці няма, адзначылі ў МЗС. У рэгіёне аб'яўлена трохдзённая жалоба па ахвярах тэрактаў. Трагедыя, нагадаем, адбылася 1 чэрвеня ноччу.

У выніку падрыву ўпаў мост, у абломкі якога ўрэзаўся пасажырскі цягнік. Палатно ўпала на рэйкі пад вуглом 45 градусаў разам з фурай, якая праязджала. Паводле папярэдніх звестак, 7 чалавек загінулі, 71 пацярпеў, з іх чацвёра дзяцей. У бальніцах зараз застаюцца 44 пасажыры. Тыя, хто змог прадоўжыць шлях, адправіліся на рэзервовым цягніку ў Маскву (падрабязнасці ў відэа).