У Беларусі ўбіраюць цукровыя буракі і бульбу

Верасень -выніковы месяц у працы сельгазарганізацый. Аграрыі ўсіх рэгіёнаў  гэтымі днямі актыўна капаюць цукровыя буракі і бульбу.

Дарэчы,ураджай другога хлеба  сёлета перавысіць мільён тон. Запасаў унутранага рынку хопіць з лішкам. Траціну гэтага аб'ёму  экспартуюць, а гэта больш за дзясятак краін. 

Бульбу,якую  гэтымі днямі капаюць на палях сельгазарганізацыі "Азярыцкі-Агра", адправяцьу Расію, Сербію і Македонію. Кожны дзень у сховішчы гаспадаркі закладваюцькаля 400 тон бульбы новага ўраджаю. Частку пакуюць і для гандлёвыхсетак, асноўны жа аб'ём   - на працяглае захоўванне. Пры тэмпературы + 4 і ўзроўні вільготнасці 75-80 %  клубні праляжаць да красавіка-мая наступнага года.

Сёння ў Мінскай вобласці развіваюць і глыбокую перапрацоўку нашага другога хлеба. У Стоўбцах вырабляюць бульбяныя шматкі, у Мар'інай Горцы - пюрэ, чыпсы і снэкі.