Ідзе абмеркаванне аб'яднання традыцый для ўключэння беларускай Масленіцы ў рэестр ЮНЕСКА

Масленічны тыдзень набліжаецца да сваёй кульмінацыі. У кожным рэгіёне Беларусі захаваліся аўтэнтычныя абрады. Напрыклад, пятніца - гэта "Цешчыны вечары", калі зяць абавязаны асабіста паклікаць цешчу на бліны. У навуковых колах прапаноўваюць аб'яднаць рэгіянальныя традыцыі і сфармуляваць новую заяўку для ўключэння беларускай Масленіцы ў сусветны спіс нематэрыяльнай культурнай спадчыны ЮНЕСКА.

Нагадаем, клікаць вясну будуць мінчане ля Палаца спорту ўжо заўтра, 21 лютага, і ў Даравальную нядзелю. Там разгорнуцца масленічныя гулянні, іх кульмінацыя - абрад спальвання пудзіла, сімвала зімы.