Адрамантуюць дарогі і дамы: як у Заслаўі рыхтуюцца да правядзення "Дажынак-2025"

Заслаўе рыхтуецца да правядзення абласнога фестывалю-кірмашу працаўнікоў сяла "Дажынкі-2025".

Як заявіў 8 красавіка старшыня Мінаблвыканкама Аляксей Кушнарэнка, горад захавае сваё ўнікальнае гісторыка-культурнае аблічча, але пры гэтым значна добраўпарадкуюць яго інфраструктуру (зробяць рамонт 70 дамоў, рэканструкцыю дзіцячых садкоў, школы мастацтваў, абновяць дарогі і тратуары). Абноўлены імідж будзе і ў гарадской плошчы, побач з ёй з'явіцца музей пад адкрытым небам. Прадоўжыцца ўзвядзенне і заслаўскай паліклінікі.

Аляксей Кушнарэнка:

"У нас ёсць планы па ўладкаванні моладзевага парку, па будаўніцтве фізкультурна-аздараўленчага цэнтра, паліклінікі. Мы ведаем занепакоенасць жыхароў сметнікам, які тут размешчаны, будзем прымаць рашэнні па яго далейшым функцыянаванні. Адзначу, што кожны куток горада будзе ў зоне нашай увагі. Я упэўнены, што Заслаўе з агульнай дапамогай і падтрымкай сустрэне свята годна".

Фестываль "Дажынкі-2025" супадзе з юбілеем горада - у 2025-м яму спаўняецца 1040 гадоў.