Беларусь і Лаос гатовы пашыраць супрацоўніцтва ў рамках міжнародных арганізацый

Беларусь і Лаос умацоўваюць супрацоўніцтва. Важны канал камунікацыі - міжпарламенцкі.

У бягучых скліканнях сфарміраваны групы сяброўства. Першыя зносіны ўжо адбыліся - пакуль анлайн. Бакі пацвердзілі гатоўнасць пашыраць супрацоўніцтва ў рамках міжнародных арганізацый, уключаючы парламенцкае вымярэнне - АСЕАН і Міжпарламенцкі саюз. Таксама ўдзельнікі сустрэчы выдзелілі сферы, якім трэба надаць асаблівую ўвагу.

Неўзабаве паміж краінамі пачне дзейнічаць бязвізавы рэжым, што таксама паслужыць умацаванню двухбаковых сувязяў. Беларусь разглядае Лаос як пункт уваходу на ўвесь рэгіён Паўднёва-Усходняй Азіі.