Прэзідэнт Беларусі павіншаваў Гурбангулы Бердымухамедава з днём нараджэння

Прэзідэнт Беларусі Аляксандр Лукашэнка павіншаваў Нацыянальнага лідара туркменскага народа, Старшыню Халк Маслахаты Туркменістана Гурбангулы Бердымухамедава з днём нараджэння. Аб гэтым паведамляе прэс-служба беларускага лідара.

"Дасягненні сучаснага Туркменістана ў палітычнай, эканамічнай і сацыяльнай сферах, яго нейтральны статус і высокі аўтарытэт на міжнароднай арэне з'яўляюцца вынікам Вашай шматгадовай стваральнай дзейнасці, накіраванай на ўсебаковае развіццё сваёй краіны", - гаворыцца ў віншаванні.

Кіраўнік дзяржавы падкрэсліў, што ў Беларусі заўсёды рады поспехам сяброў і гатовы прыкладаць неабходныя намаганні для актывізацыі ўзаемавыгаднага супрацоўніцтва з дружалюбным Туркменістанам.

Аляксандр Лукашэнка пажадаў Гурбангулы Бердымухамедаву моцнага здароўя, доўгіх гадоў жыцця, а таксама новых поспехаў і здзяйсненняў на карысць туркменскага народа.