Беларусы пабудавалі "Ізумрудны горад" для дзяцей Варонежа

Супрацоўніцтва з расійскімі рэгіёнамі ідзе вялікімі тэмпамі. У Варонежы адкрылі дзіцячы сад "Ізумрудны горад", які для расійскіх дзяцей пабудавалі беларускія будаўнікі. Ён уваходзіць у састаў вялікага адукацыйнага цэнтра "Садружнасць", які таксама пабудавалі беларускія спецыялісты.

Беларусь з'яўляецца надзейным партнёрам Варонежскай вобласці. У 2024 годзе тавараабарот вырас на 20 %, і ёсць усе перадумовы нарасціць яго да 1 млрд долараў. Асноўны кірунак супрацоўніцтва - будаўніцтва. За апошнія 5 гадоў сума інвестыцый у гэтыя праекты склала больш як 11 млрд расійскіх рублёў.

У 2021 годзе пад Варонежам беларусы пабудавалі школу на 520 месцаў. Праз два гады, у 2023-м, ужо ў самім Варонежы адкрылі самую вялікую школу ў Расіі - гэта нават не школа, а цэлы адукацыйны цэнтр. Назвалі яго "Садружнасць". Ён разлічаны на 3000 вучняў і 200 педагогаў.