У Горна-Алтайску адбылася сустрэча прэм'ер-міністраў Беларусі і Расіі

Аляксандр Турчын сустрэўся з расійскім калегам Міхаілам Мішусціным.

Інтэнсіўнасць кантактаў, умацаванне тэхналагічнага суверэнітэту, стварэнне імпартазамяшчальнай прадукцыі і больш чым 90 % узаемаразлікаў у нацыянальных валютах - саюзнае супрацоўніцтва ўмацоўваецца, нягледзячы на санкцыйны націск. На ўзроўні ўрадаў адладжана сістэмная работа па выкананні рашэнняў, прынятых лідарамі дзвюх краін.

Прэм'ер Беларусі ў гэтыя дні знаходзіцца з рабочым візітам у Горна-Алтайску, дзе праходзіць міжнародны экалагічны форум. 25 ліпеня адбудзецца пленарнае пасяджэнне і шэраг двухбаковых сустрэч.