Якія прыярытэты супрацоўніцтва Беларусі і Санкт-Пецярбурга ў ахове здароўя

У Міністэрстве аховы здароўя Беларусі прайшла сустрэча дэлегацый Санкт-Пецярбурга і Мінска. Абмеркавалі пытанні супрацоўніцтва ў галіне аховы здароўя. У фармаце круглага стала сабраліся вядучыя спецыялісты, кіраўнікі медыцынскіх устаноў, прадстаўнікі муніцыпальных улад беларускага і расійскага бакоў.  Асноўныя тэмы - анкалогія, кардыяхірургія, дыягностыка і рэабілітацыя. Абмеркавалі таксама арганізацыю сумесных навуковых праектаў і павышэнне кваліфікацыі спецыялістаў.

А па выніках сустрэчы 14 ліпеня губернатара Санкт-Пецярбурга Аляксандра Бяглова са старшынёй Савета Рэспублікі Наталляй Качанавай быў праанансаваны новы сумесны праект. Ён стане часткай праграм Саюзнай дзяржавы ў сферы дыягностыкі і лячэння анкалагічных захворванняў.