З 1 студзеня 2025 года Беларусь афіцыйна стала партнёрам БРІКС

1 студзеня Беларусь афіцыйна стала партнёрам БРІКС. Пра гэта паведамілі ў МЗС Расіі.

Да арганізацыі далучаюцца таксама Балівія, Інданезія, Казахстан, Куба, Малайзія, Тайланд, Уганда, Узбекістан. Яшчэ 4 дзяржавы атрымалі запрашэнне стаць партнёрамі БРІКС, адзначылі ў расійскім ведамстве.

Нагадаем, апошні саміт лідараў БРІКС прайшоў у Казані 22-24 кастрычніка 2024 года. Там Беларусь атрымала статус партнёра арганізацыі, які з'яўляецца абавязковым этапам перад афіцыйным уступленнем.