"Галоўнае - зваротная сувязь ад народа". Лукашэнка сустрэўся з даверанымі асобамі

Прэзідэнт Беларусі Аляксандр Лукашэнка 3 студзеня правёў сустрэчу з даверанымі асобамі, паведамляе БЕЛТА.

"Як вядома, завяршылася рэгістрацыя кандыдатаў у Прэзідэнты Беларусі. Перш за ўсё я хацеў бы выказаць словы падзякі ўсім тым, хто аказаў мне падтрымку. Сабрана 2,5 млн подпісаў - гэта высокі ўзровень даверу, і мы павінны зрабіць усё, каб не падмануць чаканні нашых прыхільнікаў, - падкрэсліў Аляксандр Лукашэнка. - Вы давераныя асобы дзеючага Прэзідэнта ў прамым сэнсе гэтага слова. Я зыходзіў з таго, звяртаючыся да вас з просьбай, каб вы былі даверанымі асобамі, што я ведаю вас асабіста. Больш за тое, што вы ў нейкай ступені ведаеце мяне".

"Я ўдзячны вам, што вы пагадзіліся на гэта. Абяцаю, што калі раптам народ прагаласуе за нас, то я вас не падвяду. Для мяне, вы ведаеце, гэта самая цяжкая ноша. Гавораць: Бацька, Бацька, давяраем і іншае. Гэта самае страшнае для Прэзідэнта (думаю, што і для іншых таксама): давер трэба апраўдваць. Тым больш мне", - заявіў беларускі лідар.