Прэзідэнт Беларусі памілаваў 29 чалавек, асуджаных за злачынствы экстрэмісцкай накіраванасці

Прэзідэнт Беларусі Аляксандр Лукашэнка памілаваў 29 асоб, якія ўчынілі злачынствы экстрэмісцкай накіраванасці. Пра гэта паведаміла БЕЛТА, спасылаючыся на прэс-службу кіраўніка дзяржавы.

Усе яны раскаяліся ва ўчыненым і звярнуліся з хадайніцтвам аб памілаванні да кіраўніка дзяржавы. Гэта 11 жанчын і 18 мужчын. Сярод іх 6 чалавек маладзейшыя за 25 гадоў, 3 пенсіянеры, 2 інваліды, 15 маюць хранічныя захворванні.

Міністэрства ўнутраных спраў забяспечыць кантроль за правапаслухмянымі паводзінамі памілаваных.