Прэзідэнт Беларусі павіншаваў з прафесійным святам работнікаў сістэмы сацыяльнай абароны

Прэзідэнт Беларусі Аляксандр Лукашэнка павіншаваў работнікаў і ветэранаў дзяржаўных органаў і арганізацый сістэмы сацыяльнай абароны з прафесійным святам. Пра гэта піша БЕЛТА, спасылаючыся на прэс-службу кіраўніка дзяржавы.

"Сацыяльная абарона - брэнд Беларусі, гарантыя стабільнасці і справядлівасці ў грамадстве. Штодзённай карпатлівай працай вы ўмацоўваеце гэтыя пастулаты і даказваеце, што наша краіна заўсёды паклапоціцца аб суайчынніках, якім патрэбная дапамога. Вы не проста праваднікі традыцыйных чалавечых каштоўнасцей, але часта становіцеся для сваіх падапечных самымі блізкімі і роднымі. Менавіта вы дапамагаеце ў побыце адзінокім старым, даглядаеце тых, хто занямог або сутыкнуўся з інваліднасцю, дзеліце клопаты і радасці сем'яў з маленькімі дзецьмі", - гаворыцца ў віншаванні.

Аляксандр Лукашэнка падкрэсліў, што ў сістэме сацыяльнай абароны няма і быць не можа выпадковых людзей, бо сагрэць душу і падарыць надзею ў складаную хвіліну здольныя толькі моцныя духам прафесіяналы.

"У гэты святочны дзень хачу выказаць шчырую ўдзячнасць за вашу працу і пажадаць моцнага здароўя, шчасця. Няхай спагадлівасць тых, хто акружаны вашым клопатам, дорыць новыя сілы і натхненне для прадаўжэння высакароднага шляху", - пажадаў Прэзідэнт.