Два чалавекі загінулі ў Буда-Кашалёўскім раёне з-за лася, які выбег на дарогу

У ДТЗ у Буда-Кашалёўскім раёне загінулі два чалавекі. Аб гэтым паведамляе БЕЛТА са спасылкай на УУС Гомельскага аблвыканкама.

14 снежня каля 18:45 20-гадовы вадзіцель аўтамабіля Mazda, рухаючыся па аўтадарозе М8 мяжа Расійскай Федэрацыі - Віцебск - Гомель - мяжа Украіны, паблізу в. Забалацце, паводле папярэдняй інфармацыі, наехаў на дзікую жывёліну (лася), якая раптам з’явілася на дарозе, пасля чаго з'ехаў на абочыну і перавярнуўся ў меліярацыйны канал.

У выніку здарэння вадзіцель і яго 17-гадовы пасажыр загінулі на месцы здарэння.

Акалічнасці, прычыны і асобы загінуўшых высвятляюцца. На месцы працуюць супрацоўнікі ДАІ, следча-аператыўная група і медыкі.