У Турцыі адбылося землетрасенне магнітудай 4,9

На захадзе Турцыі ў правінцыі Балыкесір адбылося землетрасенне. Падземныя штуршкі адчуваліся і ў Стамбуле.

Паводле афіцыйных звестак, магнітуда землетрасення склала 4,9. Службы праводзяць ацэнку магчымых разбурэнняў і правяраюць інфармацыю аб пацярпелых.

Гэта ўжо не першы прыродны катаклізм у дадзеным рэгіёне. Падземныя штуршкі ў 6 балаў зафіксавалі ў жніўні. Тады пацярпелі 30 чалавек, 1 загінуў.