Блакада Армузскага праліва прывядзе да высокіх цэн на харчаванне

Сітуацыя на Блізкім Усходзе і перакрыцце Армузскага праліва закранае многія сферы жыцця людзей па ўсім свеце. Поўная блакада прывяла да дэфіцыту энергарэсурсаў і скачку цэн на нафту, а зараз эксперты гавораць і пра рызыку голаду і рост цэн на прадукты харчавання. У справаздачы ААН адзначаюць трывожную дынаміку: штодзённы транзіт суднаў цераз Армузскі праліў з пачатку ваеннай эскалацыі ў рэгіёне скараціўся на 97 %.

Зараз група танкераў накіроўваецца ў Чырвонае мора, паведамляе Bloomberg. Гэта дазволіць Саудаўскай Аравіі адгрузіць каля 50 млн барэляў нафты, што можа істотна знізіць напружанасць на рынку энергарэсурсаў.