На выбарах прэзідэнта Румыніі перамогу атрымаў Нікушар Дан

Насуперак усім чаканням на прэзідэнцкіх выбарах у Румыніі перамогу атрымлівае праеўрапейскі кандыдат - мэр Бухарэста Нікушар Дан. Па выніках падліку ста працэнтаў бюлетэняў ён атрымаў амаль 54 % галасоў.

Галоўны апанент палітыка і яшчэ ўчарашні фаварыт гонкі апазіцыянер Джорджэ Сіміён прызнаў паражэнне на выбарах і падзякаваў выбаршчыкам. Ён набраў крыху больш за 46 %.

Зрэшты, і ў гэтай выбарчай кампаніі не абышлося без скандалу. Заснавальнік Telegram Павел Дураў абвінаваціў Парыж у спробе паўплываць на выбары ў Румыніі. Ён заявіў, што кіраўнік французскай разведкі прасіў заблакаваць кансерватыўныя галасы. Бізнесмен нібы адмовіўся. У сваю чаргу МЗС Францыі абвінаваціла Дурава ў фейку.