Падчас урачыстага набажэнства ў Ватыкане Папа Рымскі заклікаў вернікаў да прымірэння

Вербную нядзелю святкуе сталіца каталіцкага свету. У Ватыкане прайшла ўрачыстая служба. Яе ўзначаліў Папа Рымскі Леў XIV.

Ён звярнуўся з пропаведдзю да вернікаў, што сабраліся на плошчы Святога Пятра. Пантыфік нагадаў, што Збавіцель не прымае насілля, суцяшае прыгнечаных і заклікае людзей да міласэрнасці. Кіраўнік каталіцкай царквы заклікаў усіх вернікаў памаліцца Хрысту за адкрыццё шляхоў да прымірэння і падтрымку людзей, якія пацярпелі ад войнаў.