У Аўстраліі адбылася маштабная паводка - тысячы людзей эвакуіраваны

У выніку маштабнай паводкі ў Аўстраліі загінуў 1 чалавек, тысячы эвакуіраваны. Стыхійнае бедства закранула большую частку ўзбярэжжа Паўночнага Квінсленда, моцна пацярпелі горад Інгем і найбліжэйшы горад Таўнсвіл.

Прэм'ер-міністр краіны папярэдзіў жыхароў пацярпелых раёнаў, што калі тыя адмовяцца ад эвакуацыі, то аварыйна-ратавальным службам можа быць занадта небяспечна ратаваць іх. Таксама мясцовыя ўлады адзначаюць, што кракадзілы могуць з'яўляцца ў месцах, дзе іх раней не бачылі.

Паводка адбылася пасля некалькіх дзён праліўных дажджоў. У многіх раёнах за суткі выпала да 600 мм ападкаў.