У Польшчы пройдзе другі тур прэзідэнцкіх выбараў

У Польшчы другі тур прэзідэнцкіх выбараў адбудзецца 1 чэрвеня. Паводле даных экзітполаў, у яго выйшлі два фаварыты. Кандыдат ад кіруючай партыі "Грамадзянская платформа" мэр Варшавы Рафал Тшаскоўскі папярэдне набірае амаль 31 % галасоў, яго апанент Караль Наўроцкі, які прадстаўляе "Права і справядлівасць", - крыху больш за 29 %.

Зрэшты, дзень выбараў, як і ўся выбарчая кампанія ў Польшчы, аброс масай скандалаў. Паліцыя зафіксавала больш чым 200 выпадкаў парушэнняў, у тым ліку інцыдэнты, звязаныя з агітацыяй, псаваннем плакатаў і знаходжаннем членаў выбарчых камісій у стане алкагольнага ап'янення. А яшчэ сярод самых частых парушэнняў - публікацыя фатаграфій з бюлетэнямі.

У некалькіх рэгіёнах адбыліся больш сур'ёзныя здарэнні - такія як агрэсія ў дачыненні да членаў камісіі, смерць на выбарчым участку і перапыненне галасавання з-за меркаванага пажару.