Беларускія весляры выйгралі 37 медалёў на Кубку наймацнейшых спартсменаў

37 узнагарод - 19 залатых, 11 сярэбраных і 7 бронзавых - заваявалі беларускія весляры на Кубку наймацнейшых спартсменаў. Яны выступалі ў трох узроставых катэгорыях і склалі высокую канкурэнцыю ўсім удзельнікам. У заключны спаборніцкі дзень скарбонка беларускай зборнай папоўнілася 11 узнагародамі. Перамогі атрымалі ўсе тры экіпажы мужчынскіх васьмёрак, а таксама чацвёркі парныя ў мужчын, юнакоў, дзяўчат і юніёрак.

Усяго ў рэгаце прынялі ўдзел каля 1 300 весляроў з 12 краін.