Адзіную пляцоўку для куплі-прадажы наяўных грошай прапаноўваюць стварыць у Беларусі

Стварэнне ў краіне адзінай пляцоўкі для куплі-прадажы наяўных грошай пачала абмяркоўваць Асацыяцыя беларускіх банкаў. Здзелкі на ёй павінны праходзіць паміж банкамі, небанкаўскімі крэдытна-фінансавымі арганізацыямі, у тым ліку з удзелам Нацыянальнага банка.

Дэталі і тэрміны рэалізацыі гэтага праекта пакуль не вядомыя. Ясна толькі, што ёсць дамоўленасць аб далейшай прапрацоўцы пытання банкаўскай супольнасцю з пункту гледжання эфектыўнасці існавання адзінай міжбанкаўскай пляцоўкі і ацэнкі аб'ёмаў фінансавых укладанняў.