Беларусь - Расія: Група высокага ўзроўню правяла пасяджэнне ў Смаленску

Развіццё і ўзаемадзеянне рэгіёнаў - трывалы падмурак Саюзнай дзяржавы. За I квартал тавараабарот Беларусі і Расіі вырас на 3 % і склаў прыкладна 11,5 млрд у доларавым эквіваленце. Пра гэта гаварылі сёння ў Смаленску на пасяджэнні Групы высокага ўзроўню.

Пры гэтым важна адзначыць, што разлікі ідуць у асноўным у нацыянальных валютах. Доля іх ужо перавысіла 95 %. Таксама Расія застаецца асноўным гандлёвым партнёрам Беларусі. На яе прыпадае прыкладна 60 % нашага знешняга гандлю. Растуць і эканомікі дзвюх краін, тэмпы перавышаюць сярэднесусветныя. Асаблівая ўвага зараз сумеснай кааперацыі. Беларусь і Расія распрацоўваюць мадэль фінансавання высакахуткаснай чыгуначнай магістралі Масква - Брэст. Будзе сфарміраваны і новы пералік інавацыйных імпартазамяшчальных праектаў.

Зараз у рамках рэалізацыі дэкрэта па адзінай прамысловай палітыцы праца працягваецца. Яна забяспечвае ўзаемны доступ да прамысловай прадукцыі. Развіваецца цеснае супрацоўніцтва па лініі аўтамабільнага, чыгуначнага і сельскагаспадарчага машынабудавання.