Трамп: ЗША 1 лістапада ўвядуць 100-працэнтныя пошліны на тавары з КНР

ЗША з 1 лістапада на 100 % павялічаць памер мытных пошлін у дачыненні да Кітая, а таксама ўвядуць меры экспартнага кантролю. З такім паведамленнем выступіў амерыканскі прэзідэнт Дональд Трамп.

Ён заявіў, што "Кітай заняў выключна агрэсіўную пазіцыю", і паведаміў аб тым, што з 1 лістапада "ўвядзе меры экспартнага кантролю" на практычна ўсю прадукцыю, што вырабляецца ў КНР.

Сваімі заявамі гаспадар Белага дома абваліў сусветныя рынкі - рэзка ўпалі ўсе тры асноўныя фондавыя індэксы ЗША. Моцна пацярпелі акцыі такіх тэхналагічных гігантаў, як Tesla, Amazon і Nvidia.

Яшчэ больш магутны ўдар прыйшоўся на крыптавалюты. Кошт біткойна апускаўся ніжэй за 105 тыс. долараў упершыню з чэрвеня 2025 года. Некаторыя іншыя крыптавалюты страцілі ў цане да 80 %. Нягледзячы на гандлёвую вайну з Кітаем, Трамп, аднак, дапусціў магчымасць вочнай сустрэчы са старшынёй КНР.