Дэлегацыя ўрада Беларусі з візітам у Новасібірску

Настаў час новых перамог! Кожны другі трактар на палях Новасібірскай вобласці - беларускай вытворчасці. А яшчэ электробусы, грузавікі, камунальныя машыны. Іх таксама становіцца ўсё больш. Робячы стаўку на прамысловую кааперацыю, мы гатовы ўдзельнічаць і ў будаўніцтве ветак метро, а таксама адчыняем свае магазіны. З візітам у гэты сібірскі  рэгіён Расіі сёння прыляцела дэлегацыя ўрада Беларусі на чале з віцэ-прэм'ерам Віктарам Каранкевічам.  З ёй і здымачная група "Першага інфармацыйнага".

У праграме візіту  наведванне пяці прадпрыемстваў, з якімі мы супрацоўнічаем, і адкрыццё мультыбрэндавага цэнтра.  Новасібірск сустрэў дэлегацыю ўрада Беларусі снегам і невялікім мінусам. Тут яшчэ сапраўдная зіма. Дарэчы, камунальная тэхніка па ўборцы вуліц ад  снегу беларуская. "Амкадар", МАЗ і МТЗ працуюць не першы год. Іх парк   становіцца ўсё шырэйшым, а значыць,  важны якасны і хуткі сэрвіс. Так, ёсць "Гандлёвы дом МТЗ Сібір", але камплектуючыя і дэталі патрэбныя для куды большай колькасці тэхнікі і іншых вытворцаў.

Пра гэта гаварылі яшчэ два гады таму тут падчас рабочага візіту дэлегацыі нашага Савета Міністраў. Як вынік - заўтра мы адчыняем  мультыбрэндавы цэнтр. Гэта наша стратэгія працы цяпер у расійскіх рэгіёнах. Ды і ў цэлым кантакты на ўзроўні ўрада Беларусі і кіраўніцтва Новасібірскай вобласці падтрымліваюцца пастаянна. І такі дыялог дае добры плён. Гэта і рост тавараабароту (за мінулы год - на 11 працэнтаў),  і кааперацыя прамысловых прадпрыемстваў, а таксама абнаўленне пасажырскага транспарта. Сёння беларусы прыляцелі з новымі праектамі.