Кіраўнік Нацбанка Беларусі акрэсліў галоўныя прыярытэты для рэгулятара і ўсіх гульцоў сістэмы

Павялічыць унёсак Нацбанка і банкаўскай сістэмы ў нацыянальную эканоміку і аказаць усебаковае садзейнічанне эканамічнаму развіццю краіны. Такое  даручэнне Прэзідэнта  было дадзена рэгулятару.

Грашова-крэдытная палітыка павінна быць гнуткай, ствараць умовы для росту інвестыцый. У прыярытэце крэдытаванне рэальнага сектара і  спажывецкае пад куплю беларускіх тавараў, а таксама рост доўгатэрміновых укладаў у рублях. Пра гэта гаварылі 21 сакавіка ў Нацбанку.

Курс на захаванне макраэканамічнай стабільнасці і нізкай інфляцыі, а таксама эфектыўнага фінансавага сектара і плацежнага рынку. Кіраўнік Нацбанка Беларусі акрэсліў галоўныя прыярытэты для рэгулятара і ўсіх гульцоў сістэмы. На нарадзе з кіраўнікамі беларускіх банкаў гаварылі пра падтрымку дзелавой ініцыятывы, лічбавы рубель, крэдыты і дэпазіты. Галоўнае - інтарэсы нацыянальнай эканомікі. Плануецца ўвесці сістэму ацэнкі ўнёску кожнага банка ў яе развіццё.

Але гэта не значыць, што грошы будуць проста  раздаваць, адразу скажа Раман Галоўчанка. Фінансавае плячо толькі пад эфектыўныя праекты. Устойлівае эканамічнае развіццё - той курс, які важна захаваць.

Асаблівая ўвага доўгатэрміновым зберажэнням, каб беларусы больш збіралі менавіта ў сваіх рублях. І мы ўжо ідзём гэтай дарогай.  За 2 месяцы года тэрміновых рублёвых укладаў стала  больш амаль на 5 %. Ад фізасоб і зусім звыш 6. Павялічваецца і колькасць дэпазітаў ад года і вышэй, іх стала на 7 % больш. А сярэдні тэрмін размяшчэння ўкладаў -  436 дзён. І такую дынаміку, упэўнены кіраўнік Нацбанка, трэба замацаваць.

Асаблівая ўвага інвестыцыям і інавацыям. І тут без дзелавой актыўнасці не абысціся. А ў яе стымуляванні шмат залежыць і ад банкаўскіх рэсурсаў. І такі рэсурс доўгіх грошай ёсць. Але галоўнае - рацыянальны падыход, каб не стваралася праблемная запазычанасць, але пры  гэтым і не было лішніх патрабаванняў у дамовах і забаронных ставак па крэдытах (падрабязнасці ў відэа).