Мінск і Санкт-Пецярбург падпісалі дарожную карту супрацоўніцтва

Працягваецца візіт дэлегацыі Санкт-Пецярбурга ў Беларусь. 15 ліпеня ў сталічнай ратушы старшыня Мінгарвыканкама Уладзімір Кухараў і губернатар горада на Няве Аляксандр Бяглоў падпісалі дарожную карту супрацоўніцтва.

Сярод асноўных сфер узаемадзеяння - машынабудаванне і праекты ў фармацэўтыцы. А яшчэ адукацыя і ахова здароўя. Для прадпрымальнікаў беларускай сталіцы з'явіцца больш магчымасцяў для размяшчэння ў тэхналагічных і індустрыяльных парках Санкт-Пецярбурга. Асаблівая ўвага - культурным праектам, такім, як "Цягнік Памяці", а таксама правядзенню сумесных фестываляў.