Дзень работнікаў культуры адзначаюць у Беларусі

У другую нядзелю кастрычніка ў Беларусі адзначаецца Дзень работнікаў культуры. Са святам прадстаўнікоў сферы павіншаваў Прэзідэнт.

Сёння ў ёй працуюць каля 51 тысячы чалавек. Артыстаў і мастакоў, выкладчыкаў музыкі і супрацоўнікаў дамоў культуры і бібліятэк, творцаў і тых, хто забяспечвае тэхнічную частку культурнага працэсу, - усіх іх ушаноўвалі напярэдадні. У абласных і раённых цэнтрах прайшлі ўрачыстасці з узнагароджаннем выбітных прадстаўнікоў прафесіі. У сталіцы лепшыя з лепшых выйшлі на сцэну Мінскага гарадскога палаца культуры.

Сёння перад Міністэрствам культуры стаіць адказная задача - рэалізаваць рашэнне кіраўніка дзяржавы аб стварэнні Нацыянальнага гістарычнага музея, які аб'яднае намаганні музейшчыкаў, мастакоў, калекцыянераў, навукоўцаў-гісторыкаў і іншых спецыялістаў.