Беларуская камедыя "АЗС № 1" выйшла ў шырокі пракат у кінатэатрах Беларусі

У кінатэатры "Перамога" адбыўся спецыяльны паказ фільма "АЗС № 1". Першую шматсерыйную прэм'еру - авантурную камедыю прапанаваў тэлеканал АНТ.

Згодна з сюжэтам, на нафтаперапрацоўчым прадпрыемстве аб'яўляецца конкурс на званне лепшай запраўкі. Узнагарода пераможцу - пасада намесніка гендырэктара, а разам з ёй і бязмежныя перспектывы.

Рэжысёр карціны Ілья Баранаў. Для здымак фільма задзейнічалі 49 лакацый. У тым ліку тэрыторыю трох музеяў, Мірскага замка і Лініі Сталіна.

У фільме зняліся больш за 30 прафесійных беларускіх акцёраў. А ў эпізодах - Марат Башараў і вядомыя расійскія кавээншчыкі. Музыку да фільма напісаў вядомы беларускі кампазітар Леанід Шырын.

Авантурная камедыя "АЗС № 1" неўзабаве выйдзе ў двух фарматах: паўнаметражным і серыяльным.