Нацыянальная опера пра Полацк і балет пра Шагала. Вялікі тэатр Беларусі падзяліўся планамі

Нацыянальную оперу пра Полацк як выток беларускай дзяржаўнасці ініцыюе Вялікі тэатр Беларусі. Музычнага матэрыялу досыць - тыя жа сімфанічныя "Полацкія пісьмёны" Мдывані. Справа за сцэнарыем.

Паралельна ў тэатры думаюць пра нацыянальны балет, прысвечаны Марку Шагалу. Пра гэта паведаміла гендырэктар Кацярына Дулава. Дарэчы, напярэдадні яна абвешчана ўладальнікам медаля Францыска Скарыны (указ падпісаны Прэзідэнтам). Попыт на рэпертуар гранд-трупы пацвярджаюць лічбы. У 2024-м будынак на плошчы Парыжскай Камуны наведала 245 тыс. беларусаў і гасцей нашай краіны.