Заключная прэм'ера сезона. У Вялікім тэатры - дэбют "Арлеанскай дзевы"

Жанна д'Арк упершыню заспявала ў Вялікім. У тэатры оперы і балета прайшла першая "спеўка" чэрвеньскай - заключнай - прэм'еры сезона. Пад наглядам расійскага рэжысёра-пастаноўшчыка. На рэпетыцыйных падмостках - знаёмыя народныя - Масквіна, Громаў, Трыфанаў.

Але пакуль не апавяшчаюць увесь спіс выканаўцаў. Тры драматычныя дзеянні оперы, напісанай Чайкоўскім у канцы 19-га стагоддзя, - навінка для 92-гадовага беларускага Вялікага. Галасамі кіруе дырыжор Арцём Макараў і запрошаны Георгій Ісаакян. Народнаму артысту Расіі і вопытнаму пастаноўшчыку (53 спектаклі з 1991 года) тут усё знаёма. У 2002-м працаваў разам з дырыжорам Анісімавым над "Багемай" Пучыні. Вяртаўся ў Мінск з гастролямі ў якасці мастацкага кіраўніка Дзіцячага музычнага тэатра імя Сац.

Да прэм'еры засталося менш за два месяцы. Білеты на 17 чэрвеня ўжо можна заказаць. Зараз у Вялікім аб'яўлены "Год Чайкоўскага". Кампазітара, якога іграе ўвесь свет, успомняць авацыямі 7 мая. Спаўняецца 185 гадоў з дня нараджэння генія. Дарэчы, менавіта на балеты Чайкоўскага "Лебядзінае возера", "Спячая прыгажуня", "Шчаўкунок" беларусы з ажыятажам раскупляюць білеты.