Лукашэнка павіншаваў кіраўніцтва Нікарагуа з 46-й гадавінай Сандзінісцкай рэвалюцыі

Лукашэнка разлічвае на адчувальныя вынікі ў супрацоўніцтве з Нікарагуа. Наш Прэзідэнт ад імя беларускага народа і сябе асабіста павіншаваў сапрэзідэнтаў Нікарагуа, а таксама грамадзян гэтай краіны з нагоды 46-й гадавіны трыумфу Сандзінісцкай рэвалюцыі.

"Сёння Сандзінісцкі фронт нацыянальнага вызвалення з гонарам прадаўжае сваю планамерную работу, аснову якой складаюць штодзённы клопат аб звычайным чалавеку і будаўніцтва справядлівага і ўстойлівага грамадства. Прыемна адзначыць, што ўзаемавыгаднае беларуска-нікарагуанскае партнёрства ў палітычнай, гандлёва-эканамічнай і культурнай сферах, заснаванае на прынцыпах павагі, даверу, надзейнасці і адкрытасці, з кожным годам толькі ўзмацняецца і, безумоўна, у хуткім часе прынясе адчувальныя вынікі для абедзвюх краін", - гаворыцца ў віншаванні.