Новыя трамваі праходзяць абкатку ў Мінску

Сталічныя дарогі чакаюць навінку! Хутка на лініі выйдзе сучасны трамвай, аснашчаны па апошнім слове тэхнікі. Галоўная перавага перад мадэлямі, якія зараз курсіруюць па вуліцах Мінска, - нізкая падлога. у вагоне 35 месцаў, а ў цэнтры - прасторная пляцоўка. Там можна зручна размясціць каляску ці габарытны груз. Дзверы (а зараз іх чатыры) абсталяваны сістэмай аховы ад заціску. Сёння трамвай праходзіць абкатку ў парку.

Дарэчы, трамваі Т811 ужо курсіруюць на вуліцах Ніжняга Ноўгарада, Самары і Краснадара, а таксама Мазыра. Іх камфорт і перавагу ўжо ацанілі пасажыры.