Абраны кіруючы склад Віцебскай абласной камісіі па выбарах Прэзідэнта

Кіруючы склад Віцебскай абласной камісіі па выбарах Прэзідэнта Рэспублікі Беларусь абраны на першым пасяджэнні камісіі.

Члены камісіі аднагалосна абралі старшыню - ім стаў Дзмітрый Хома - начальнік галоўнага ўпраўлення па адукацыі аблвыканкама. Таксама прызначаны намеснік старшыні і сакратар. На пасяджэнні абмеркавалі і арганізацыйныя пытанні.

Дзмітрый Хома, старшыня Віцебскай абласной камісіі па выбарах Прэзідэнта Беларусі:

"Задача ў нас адна - выкананне Выбарчага кодэкса Рэспублікі ў Беларусь, выкананне прынцыпаў справядлівага роўнага галасавання для ўсіх удзельнікаў выбарчага працэсу і арганізацыя выбараў у адпаведнасці з дзеючым заканадаўствам для нашых грамадзян, каб кожны грамадзянін, які пражывае на тэрыторыі Віцебскай вобласці, свабодна мог выказаць сваё волевыяўленне".

7 лістапада пачынаецца наступны этап выбарчай кампаніі - збор подпісаў у падтрымку вылучэння кандыдатаў у Прэзідэнты.