Беларусь развівае прамысловае супрацоўніцтва з краінамі Паўднёва-Усходняй Азіі

Беларусь актывізуе адносіны з краінамі Паўднёва-Усходняй Азіі. Гэта адзначыў Надзвычайны і Паўнамоцны Пасол Беларусі ў В'етнаме, Тайландзе, Камбоджы, Лаосе і М'янме Уладзімір Баравікоў.

Так, у В'етнаме ўжо працуе зборачнае прадпрыемства аўтамабіляў МАЗ. На базе гэтага завода будзе засвоены выраб праварульнай тэхнікі, якая будзе пастаўляцца на рынкі трэціх краін.

З партнёрамі ў краінах Паўднёва-Усходняй Азіі нас злучаюць не толькі эканамічныя інтарэсы, але і агульныя погляды на геапалітыку - імкненне да шматпалярнасці і ўзаемапавагі. Як адзначыў пасол, Беларусь кіруецца правіламі двухбаковага руху.