Качанава: У Беларусі прыняты сур'ёзныя рашэнні па падтрымцы пажылых людзей, працаўнікоў сацгаліны

У Беларусі прыняты сур'ёзныя рашэнні па падтрымцы пажылых людзей, людзей з інваліднасцю, а таксама працаўнікоў сацыяльнай галіны. Пра гэта заявіла старшыня Савета Рэспублікі Наталля Качанава на сесіі Гродзенскага абласнога савета дэпутатаў.

На парадку - рэалізацыя рэгіянальнага комплексу мерапрыемстваў Дзяржпраграмы па сацыяльнай абароне да 25-га года. Як падкрэсліла спікер верхняй палаты, усе мерапрыемствы гэтага дакумента выкананы ў поўным аб'ёме. Дзяржава робіць усё, каб сацыяльнае абслугоўванне насельніцтва было эфектыўным. На гэта накіроўваюцца немалыя сродкі. Да працы далучаюцца таксама валанцёры, рэалізуюцца патрыятычныя праекты і грамадзянскія ініцыятывы.

Наталля Качанава таксама падкрэсліла важнасць узаемадзеяння з людзьмі на месцах. Сёння Савет Рэспублікі актыўна працуе з усім дэпутацкім корпусам нашай краіны.

Фота БЕЛТА