Пададзены дакументы аб рэгістрацыі ініцыятыўнай групы па вылучэнні Лукашэнкі кандыдатам у Прэзідэнты

Дакументы на рэгістрацыю ініцыятыўнай групы ў падтрымку вылучэння Аляксандра Лукашэнкі кандыдатам у Прэзідэнты падалі ў ЦВК. На праверку ёсць 5 дзён, гэта адпрацаваны механізм. На найбліжэйшым пасяджэнні Цэнтрвыбаркам агучыць вынікі. І ў выпадку рэгістрацыі на ім жа выдадуць пасведчанне ініцыятыўнай групе.

У 10:00 26 кастрычніка адкрыўся Цэнтрвыбаркам. Час працы да 14:00, у будныя дні - з 9:00 да 18:00. Такі час вызначаны для тых, хто падае дакументы па рэгістрацыі ініцыятыўных груп, якія і будуць пасля збіраць подпісы ў падтрымку вылучэння кандыдатаў у Прэзідэнты Беларусі.

І першая ініцыятыўная група - дзеючага Прэзідэнта Аляксандра Лукашэнкі. Дакументы сёння падаваў старшыня Федэрацыі прафсаюзаў Юрый Сянько. Не менш як 100 чалавек павінна быць у ініцыятыўнай групе. Сабраць ім неабходна мінімум 100 тыс. подпісаў.

Нагадаем, праход у ЦВК магчымы толькі пры прад'яўленні пашпарта (ідэнтыфікацыйнай карты) грамадзяніна Рэспублікі Беларусь. Зарэгістраваць ініцыятыўную групу можна па 1 лістапада, а значыць, застаецца роўна тыдзень.