Падаткі, сацстрахаванне і рыэлтарская дзейнасць - за навацыі прагаласавалі дэпутаты

Дэпутаты Палаты прадстаўнікоў сёння прынялі шэраг навацый у законапраекты. Яны датычацца бізнесу, павышэння сацыяльнай абароненасці беларусаў і рынку нерухомасці. У Беларусі з'явіцца палата рыэлтараў, а для некаторых ІП аслабілі абмежаванні.

2 красавіка пасяджэнне сесіі Палаты прадстаўнікоў пачалося з падвядзення вынікаў працы. Цяперашняе скліканне заканадаўчую эстафету прыняло год таму. За гэты час праведзены 28 пасяджэнняў і прынята 65 законаў. Але праца дэпутатаў не трывае фармалізму. Тут важны вынік. Менавіта народныя выбраннікі на месцах першымі даведваюцца пра запыты беларусаў. І ўжо ў тандэме з выканаўчай уладай ставяць кропку ў праблемных пытаннях. Прымаць рашэнні ад жыцця, ад зямлі - такі арыенцір парламенту ад спікера Ігара Сергеенкі (падрабязнасці ў відэа).