Як будзе развівацца супрацоўніцтва Беларусі і Азербайджана

Супрацоўніцтва Беларусі і Азербайджана і далей будзе ўмацоўвацца ва ўсіх сферах - ад эканомікі да культуры і спорту. Такі лейтматыў гучаў падчас сустрэчы ў Баку пасла нашай краіны ў Азербайджане Дзмітрыя Піневіча з прадстаўнікамі розных сфер грамадства гэтай паўднёвай дзяржавы.

Эльшад Юсіфавіч Шабанаў, старшыня ветэранскай арганізацыі Нарыманаўскага раёна Баку з вялікай цікавасцю вывучае дасягненні суверэннай Беларусі. Ветэран баявых дзеянняў як ніхто іншы разумее цану незалежнасці, і тут жа ён дадае, што шмат у чым гэта заслуга Прэзідэнта.

Аб поспехах Беларусі і далейшай інтэграцыі прадстаўнікі культуры, эканомікі Азербайджана гаварылі на сустрэчы з Дзмітрыем Піневічам, Надзвычайным і Паўнамоцным Паслом Беларусі ў гэтай паўднёвай краіне. Дарэчы, Аляксандр Шароўскі, галоўны рэжысёр Азербайджанскага дзяржаўнага Акадэмічнага рускага драматычнага тэатра, толькі вярнуўся з Магілёва, дзе яго калектыў упершыню прымаў удзел у Міжнародным моладзевым тэатральным форуме.

У сферы эканомікі таксама ёсць трывалы падмурак супрацоўніцтва - і тут госці пасольства Беларусі таксама бачаць вялікія перспектывы.

Супрацоўніцтва гэта павінна быць узаемавыгадным, заўважыў Дзмітрый Піневіч. А сувязі ўмацоўваюцца паміж дзвюма краінамі, ён спадзяецца, што і колькасць рэйсаў паміж Мінскам і Баку павялічыцца.

Нагадаем, у сферы спорту ў дзвюх краін таксама наладжаны цесны кантакт.  З 28 верасня па 8 кастрычніка ў Азербайджане пройдуць III Гульні краін СНД.