Пуцін: Вынікі беларуска-расійскай інтэграцыі адчуваюцца ва ўсіх сферах жыцця

Вынікі беларуска-расійскай інтэграцыі адчуваюцца ва ўсіх сферах жыцця. Пра гэта заявіў прэзідэнт Расіі Уладзімір Пуцін у віншаванні ўдзельнікам урачыстага сходу з нагоды Дня яднання народаў Беларусі і Расіі, якое апублікавана на сайце Крамля, паведамляе БЕЛТА.

Уладзімір Пуцін адзначыў, што Дзень яднання народаў Беларусі і Расіі - свята, якое сімвалізуе непарушныя вузы братэрскай дружбы нашых народаў, агульнасць іх гістарычных лёсаў, духоўных і маральных каштоўнасцей. "За больш як чвэрцьвекавы перыяд будаўніцтва Саюзнай дзяржавы ўдалося нямала зрабіць для развіцця расійска-беларускіх сувязей і пашырэння ўзаемавыгадных інтэграцыйных працэсаў. Вынікі гэтых намаганняў адчуваюцца без перабольшання ва ўсіх сферах нашага жыцця. Грамадзяне Расіі і Беларусі карыстаюцца роўнымі правамі ў сферах медыцыны і адукацыі, сацыяльнага і пенсійнага забеспячэння, а таксама ў выбары месца жыхарства і работы. Пашыраюцца плённае гандлёва-эканамічнае, навукова-тэхнічнае і гуманітарнае супрацоўніцтва, кантакты па лініі парламентаў, рэгіёнаў і гарадоў", - канстатаваў ён.

"У цяперашняй складанай міжнароднай абстаноўцы сумесныя дзеянні расійскага і беларускага бакоў забяспечваюць умацаванне абароннага патэнцыялу і надзейную бяспеку Саюзнай дзяржавы. Мы паслядоўна адстойваем свае законныя знешнепалітычныя інтарэсы і сумесна працуем з замежнымі партнёрамі ў мэтах фарміравання больш справядлівага, шматпалярнага светаўладкавання", - адзначыў расійскі лідар.

"9 мая мы адзначаем знамянальную дату - 80-годдзе Перамогі ў Вялікай Айчыннай вайне. Захаванне памяці аб подзвігу пакалення пераможцаў, несумненна, умацоўвае нашу агульную рашучасць процістаяць любым праявам неанацызму і ўсяляк садзейнічаць забеспячэнню міру і бяспекі на планеце", - падкрэсліў прэзідэнт Расіі.

Уладзімір Пуцін выказаў упэўненасць, што канструктыўныя расійска-беларускія адносіны будуць і ў далейшым актыўна развівацца на ўсіх кірунках. "Гэта ў поўнай меры адпавядае інтарэсам нашых братэрскіх народаў", - заявіў прэзідэнт Расіі.