У Беларусь з візітам прыбыў член Пастаяннага камітэта Палітбюро ЦК КПК

Беларусь і Кітай працягваюць развіваць супрацоўніцтва. У нашай краіне з візітам член Пастаяннага камітэта Палітбюро ЦК КПК, сакратар Цэнтральнай камісіі па праверцы дысцыпліны Лі Сі. Самалёт госця прызямліўся напярэдадні вечарам у Нацыянальным аэрапорце Мінск.

Пасля прылёту адбыліся кароткія перамовы з кіраўніком Адміністрацыі Прэзідэнта Беларусі Дзмітрыем Крутым. Беларуска-кітайскія адносіны знаходзяцца на высокім узроўні развіцця. На працягу 33 гадоў з моманту ўсталявання дыпадносін узаемадзеянне захоўвае добрую дынаміку. Устойлівы рост паказвае гандлёва-эканамічнае супрацоўніцтва.

Важную ролю адыгрываюць такія праекты, як Кітайска-Беларускі індустрыяльны парк і сумесныя ініцыятывы, напрыклад, у рамках "Аднаго пояса, аднаго шляху".