Урадавая дэлегацыя Беларусі прыбыла ў Лівію

Ад паставак харчавання і тэхнікі да сумесных праектаў у сферы адукацыі і медыцыны - беларуская ўрадавая дэлегацыя на чале з віцэ-прэм'ерам Віктарам Каранкевічам знаходзіцца з афіцыйным візітам у Лівіі.

У Бенгазі запланавана шырокая дзелавая праграма. Бакі збіраюцца абмеркаваць далейшае ўзаемадзеянне ў прамысловасці, сельскай гаспадарцы і ахове здароўя. У лівійскіх партнёраў ёсць цікавасць да беларускіх тэхналогій. І Беларусь гатова дзяліцца вопытам.

Цяперашні візіт - працяг дамоўленасцяў на вышэйшым узроўні. У лютым у Мінску прымалі фельдмаршала і вярхоўнага галоўнакамандуючага Лівійскай нацыянальнай арміяй Халіфа Белкасіма Хафтара. Тады лідары пацвердзілі гатоўнасць развіваць супрацоўніцтва на карысць дзвюх краін.